Kim - kimdir? Manşet Xəbərlər — 16 July 2015

 

Səudiyyə Ərəbistanının Xarici İşlər Nazirliyinə qırx il ərzində rəhbərlik etmiş şahzadə Səud əl-Feysəl 75 yaşında vəfat etmişdir

Səudiyyə Ərəbistanının keçmiş Xarici İşlər Naziri   şahzadə Səud əl-Feysəl 1940-cı il yanvarın 2-də Taifə şəhərində anadan olmuşdur. Şahzadə Səud əl-Feysəl Səudiyyə Ərəbistanı kralı Feysəlin (1906-1975) ikinci oğlu idi.

Səud əl-Feysəl 1964-cü ildə ABŞ-ın Nyu-Cersi ştatındakı Priston Universitetində iqtisadiyyat üzrə bakalavr dərəcəsi almışdır.

1964-cü ildən Neft-Qaz sənayesi və mineral ehtiyatlar nazirliyində iqtisadi məsələlər üzrə məsləhətçi işləmişdir.

1970-ci il fevralın 22-də həmin nazirliyin planlaşdırma məsələləri üzrə rəisinin müavini təyin edilmişdir.

1971-ci il iyunun 15-də şahzadə Səud əl-Feysəl Neft-Qaz sənayesi nazirinin müavini vəzifəsinə təyin edilmişdir.

1975-ci il noyabrın 13-də o, kralın əmri ilə Xarici İşlər naziri vəzifəsinə təyin edilmişdir.

2015-ci il yanvarın 25-də Səud əl-Feysəlin ABŞ klinikalarının birində onurğa əməliyyatı keçirdiyi məlum olmuşdur.

2015-ci il aprelin 29-da o, səhhətinə görə Xarici İşlər naziri vəzifəsindən azad edilmişdir.

2015-ci il iyulun 9-da şahzadə Səud əl-Feysəl ömrünün 76-cı ilində vəfat etmişdir.

Şahzadə Səud əl-Feysəl ərəb, ingilis, fransız, italyan, alman, ispan və ivrit olmaqla  yeddi dil bilirdi.

Ailəli idi, üç oğlu və üç qızı vardır.

/islamtoday/

Tərcümə etdi: Zülfiyyə Əmrahlı

/AzeriMuslims/

Share

About Author

elwnazmus

(0) Readers Comments

Leave a Reply

Your email address will not be published.